सोमेश्वर कारखाना कथित गैरव्यवहार प्रकरण... यामधील दोघे दोषी तर तब्बल ५४ लाख २९ हजार रुपये चा आर्थिक घोटाळा - कार्यकारी संचालक राजेंद्र यादव यांची माहिती
सोमेश्वरनगर - बारामती तालुक्यातील श्री सोमेश्वर सहकारी साखर कारखान्याच्या टाईम ऑफिस मध्ये झालेल्या आर्थिक घोटाळा व भ्रष्टाचार प्रकरणी सोमेश्वर कारखान्याने नेमलेल्या चौकशी समितीने कामगार अधिकारी दीपक निंबाळकर व कर्मचारी रूपचंद साळुंखे यांना दोषी ठरवले आहे तसेच त्यांची चौकशीअंती या दोघांनी तब्बल ५४ लाख २९ हजार रुपये चा आर्थिक घोटाळा केल्याचे उघड असल्याचे निदर्शनात आले आहे . यांच्या वर कडक कारवाई करण्यात येणार असून आरोपपत्र दाखल करण्यात येणार असल्याची माहिती सोमेश्वर कारखान्याचे कार्यकारी संचालक राजेंद्र यादव बोलताना दिली गुरुवार दि ३ रोजी घेतलेल्या तातडीच्या पत्रकार परिषदेत वेळी ते बोलत होते.पुढे बोलताना म्हणाले की आर्थिक घोटाळा केल्याप्रकरणी सोमेश्वर कारखान्याचे लेबर व टाइम ऑफिस विभागातील लेबर ऑफिसर, हेड टाइम कीपर, टाइम कीपर, सर्व लिपिक व कर्मचारी यांचे गेल्या महिन्यात निलंबन करण्यात आले होते.कर्मचारी व कामगार यांचे हजेरी नोंदीमध्ये संगनमताने कारखाना प्रशासनाची फसवणूक करून कारखान्याने मेहता आणि शहा चार्चड अकाउंट कंपनी चौकशी समिती नेमली होती. समितीच्या वतीने सुरुवातीला १५ मार्चला चौकशी अहवाल येणार होता मात्र सन २०१७ ते २०२५ पर्यंतची कागदपत्रे तपासण्यात आल्याने अहवाल येण्यास थोडा विलंब झाला. ३१ मार्चला चौकशी समितीने अहवाल सादर केला. यामध्ये कामगार अधिकारी दीपक निंबाळकर आणि कर्मचारी रूपचंद साळुंखे यांना दोषी ठरविण्यात आले आहे. भ्रष्टाचार केलेली संपूर्ण रक्कम संबंधितांकडून वसूल करून केलेल्या गैरकृत्याबद्दल कायदेशीर कारवाई करण्यात येणार असल्याची माहिती यादव यांनी दिली. ॲड. मंगेश चव्हाण यांची चौकशी समिती स्थापन करण्यात आली असून ते गुन्हे दाखल प्रक्रिया, वसुली आणि कायदेशीर प्रक्रिया पूर्ण करणार आहे. यासाठी त्यांना २० दिवसांचा कार्यकाल दिला असून त्यानंतर ते आपला अहवाल कारखान्याला सादर करणार आहेत. कारखाना प्रशासनाने दिलेल्या माहितीनुसार सोमेश्वर कारखान्यातील भ्रष्टाचार कसा व कोणत्या वर्षी कशा पद्धतीत आहे ते सविस्तर
सन २०१७-१८ - १८,१२५ रुपये. , सन २०१८-१९- ६४,६२५ रुपये , सन २०१९-२० - ५९८०० रुपये,सन २०२०-२१ - २,१९५५०,सन २०२१- २२ - ३,२९,९७५ ,सन २०२२ - २३ ९,६४०८०,सन २०२३-२४ - १३,५४,७५०,सन २०२४-२५ - २४,२८३०० अशी माहिती दिलेली असून यामध्ये एकूण ५४ लाख २९ हजार रुपयेचा गैरव्यवहार झालेला आहे.
सदर घटनेत आर्थिक भ्रष्टाचार चौकशीअंती निंबाळकर आणि साळुंके दोषी आढळून आले आहेत. मात्र यामधील चार निलंबीत कर्मचाऱ्यांना कामावर घेणार की नाही हे संचालक मंडळाच्या बैठकीत निर्णय घेण्यात येणार आहे असे बोलताना यादव म्हणाले.
