प्रा. हनुमंत माने यांना सन्मानपूर्वक प्रदान...
सोमेश्वरनगर - साहित्यप्रेमी मंडळ सोमेश्वरनगर या साहित्य संस्थेचे अध्यक्ष व प्रेरणादायी प्रशिक्षक प्रा. हनुमंत माने यांनी संपादित केलेला "काव्यसंकल्प" राज्यस्तरीय प्रातिनिधीक कवितासंग्रहास "शब्दगंध" साहित्यिक परिषद व महाराष्ट्र राज्य साहित्य आणि संस्कृती मंडळ यांच्या वतीने "राज्यस्तरीय शब्दगंध साहित्य पुरस्कार"
शब्दगंध साहित्य संमेलनाध्यक्ष-डॉ. संजीवनी तडेगावकर यांच्या हस्ते प्रदान करण्यात आला आहे.
याप्रसंगी स्वागताध्यक्ष संपतदादा बारस्कर, आमदार संग्राम जगताप, पद्मश्री पोपटराव पवार, प्रसिद्ध साहित्यिक डॉ- संजय कळमकर, प्रा.डाॅ. संदीप सांगळे अध्यक्ष मराठी अभ्यास मंडळ सावित्रीबाई फुले पुणे विद्यापीठ पुणे, तसेच संभाजीराव काकडे,विठ्ठलराव माने,आनंदराव चव्हाण,निखिल गायकवाड इ.मान्यवर उपस्थित होते.
"काव्यसंकल्प" या कवितासंग्रहात संपूर्ण महाराष्ट्रातील निवडक बारा कवींच्या प्रत्येकी आठ कवितांचा समावेश करण्यात आला आहे.हा कवितासंग्रह आंतरराष्ट्रीय दर्जा प्राप्त स्नेहवर्धन प्रकाशन पुणे यांनी प्रकाशित केलेला आहे.
"काव्यसंकल्प" हा प्रातिनिधिक कवितासंग्रह "लोक माझे सांगाती" या राजकीय आत्मकथनाचे लेखक माननीय श्री. शरदचंद्रजी पवार साहेब यांच्या अलौकिक कार्यकर्तृत्वाला सस्नेह अर्पण केलेला आहे.
या कवितासंग्रहाला प्रा. डॉ. शिल्पागौरी गणपुले यांनी अभ्यासपूर्ण प्रस्तावना लिहिली आहे.प्रा. हनुमंत माने यांना
राज्यस्तरीय शब्दगंध साहित्य पुरस्कार सोळावे राज्यस्तरीय शब्दगंध साहित्य संमेलन अहिल्यानगर येथे रविवार दिनांक ९ फेब्रुवारी २०२५ रोजी सन्मानपूर्वक प्रदान करण्यात आला.
या पुरस्कार निवडीबद्दल सोमेश्वर सहकारी साखर कारखान्याचे चेअरमन पुरुषोत्तम जगताप,बारामती तालुका राष्ट्रवादी काँग्रेस पक्ष अध्यक्ष राजवर्धन शिंदे,बारामती औद्योगिक सेल चे अध्यक्ष राजेंद्र जगताप,रमाकांत गायकवाड, किरण आळंदीकर, सुनील भोसले,किशोर भोसले,विक्रम भोसले, ऋषिकेश गायकवाड इत्यादी मान्यवरांनी प्रा. हनुमंत माने यांचे अभिनंदन केले.
