माळेगाव पोलीस स्टेशन ने लाखो रुपयांचे हरवलेल्या मोबाईलचा शोध घेत.. त्या नागरिकांना दिले परत... नागरिकांनी मानले आभार.
त्या मोहीम अंतर्गत कामकाज पाहणारे पोलीस नाईक ज्ञानेश्वर सानप, गोपनीय विभाग, माळेगाव पोलीस स्टेशन यांनी माळेगाव कार्यक्षेत्रात हरविलेल्या मोबाईलचा शोध घेण्यासाठी मा पोलीस अधीक्षक कार्यालय, पुणे ग्रामीण यांचेकडे पत्रव्यवहार करून त्यांचे कडून प्राप्त माहितीचे संकलन आणि तांत्रिक विश्लेषण करून एकूण २ लाख २९ हजार ५०० रुपये किमतीचे एकूण १४ मोबाईल फोनचा शोध घेतलेला आहे.
सदर एकूण १४ मोबाईल आज दसरा सणाच्या दिवशी सहाय्यक पोलीस निरीक्षक सचिन लोखंडे सो यांच्या हस्ते मूळ तक्रारदार यांना परत दिलेले असून नागरिकांना त्यांचे मोबाईल परत मिळाल्यामुळे सर्वांनी समाधान व्यक्त करून माळेगाव पोलिसांचे आभार मानलेले आहेत.
