कोकणस्थ कुंभार समाज विकास संस्था पुणे वतीने "विशेष गुणवंत विद्यार्थी" गुणगौरव व पुरस्कार वितरण सोहळा संपन्न
पुणे प्रतिनिधी :- कोकणस्थ कुंभार समाज विकास संस्था पुणे यांनी १५ ऑगस्ट दिनी समाजाचा महासोहळा ऑफलाईन व ऑनलाईन फेसबुक च्या माध्यमातून दिमाखात आयोजन केले होते .संस्थेचे अध्यक्ष कोकणरत्न चंद्रकांत चिवेलकर ( साळवी) यांच्या प्रेरणेने समस्त समाज बांधव मोठया संख्येने एकत्रित आले होते, कार्यक्रमाचे अध्यक्ष स्थान अँड. स्वप्नील सूर्यकांत साळवी (चिवेलकर) होते तर कार्यक्रमाची प्रमुख उपस्थिती मा. महापौर मुरलीधर मोहोळ व आदी मान्यवरांनी भूषविले दुपारी सूरू झालेला हा सोहळा सायंकाळपर्यंत धुमधड्याकात साजरा झाला.
या सोहळा प्रसंगी मनोरंजन पर कार्यक्रम सादर झाले इयत्ता १० वी मध्ये मा९५.०० % गुण मिळविलेल्या कु. अदिती बबन कुंभार व इयत्ता ११ वी मधे ८७.०० % गुण मिळविलेल्या कु. आर्या गणेश बिरवाडकर यांचे विषेश गुणवंत विद्यार्थी पुरस्कार प्रदान करून त्यांचे कौतुक केले गेले त्याच बरोबर समाजासाठी मनापासून झटणाऱ्या व आपल्यातील कलागुणांची जनमाणसात विशेष छाप सोडणाऱ्या मान्यवरांना विविध पुरस्काराने सन्मानित केलेगेले या मध्ये सन्माननीय अरूणजी हरीभाऊ पालशेतकर ( साळवी) यांना "समाजभूषण" पुरस्काराने गौरविण्यात आले याच बरोबर शिक्षण क्षेत्रात विशेष गुण मिळविणाऱ्या विद्यार्थ्यांना व गृहिणींना गुणवंत विद्यार्थी पुरस्कार, विशेष गुणवंत गृहिणी पुरस्कार रूपाने सन्मानपत्र व स्मृतीचिन्ह देवून त्यांना गौरवविण्यात आले
कार्यक्रमाची सुरूवात ऑनलाइन स्वरूपात अमोलजी निवळकर व सोहम गुहागरकर यांच्या अप्रतिम निवेदनानेझाली कार्यक्रमा मध्ये देशभक्तीपर गीत, नृत्य, भक्तीगीत, समुहगीत, बासरी वादन, चित्रपटगीत अशा विविधांगी मेजवानीने रंगतदार झाला.
या सोहोळ्याचा आस्वाद अखिल कुंभार बांधवांना घेता यावा यासाठी फेसबुक च्या माध्यमातून ' LIVE ' सदारीकरण पाहण्याची सुविधा उपलब्ध करून देण्यात आली होती यासाठी समाजाचे खजिनदार राजेंद्र पडवेकर , उपाध्यक्ष समाजरत्न गजाननदादा बागवडे , अशोक शिरकर व , सूर्यकांत चिवेलकर ( साळवी ), तुकाराम शिरकर, संतोषभाऊ कळमकर, कु. धनंजय बागावडे, छाया साळवी , संदीप मटकर (साळवी), सागर विन्हेरकर , साईचंद्र करंजेकर, मदन व्हालकर , अजय वाडकर यांनी विशेष मेहनत घेतल्याने सर्वांना घर बसल्या सोहोळ्याचा मनमोकळा आनंद अनुभवता आला
या सोहोळ्याच्या माध्यमातून पुणे शहरातील कुंभार समाजाच्या कोहिनुर हिऱ्यांचा प्रकाश संपूर्ण महाराष्ट्रातील कुंभार बांधवांच्या घरा घरात पोहोचला आहे. आणि हा सोहोळा प्रकाशमान सोहोळा झाला आणि सर्वांच्या मनातला अंधकार दूर करून सर्वांच्याच जीवनाला सकारात्मक ऊर्जा व दीशा देणारा ठरला.
समस्त समाज बांधवांचे व निमंत्रितांचे स्वागत व प्रस्तावना सादरीकरण समाजाचे संघटक समाजरत्न संतोष साळवी (चिवेलकर) यांनी केले तर सूत्रसंचालन जोस्तनाताई सागर साळवी , कु. प्रगती साळवी, कु. स्वरदा साळवी , कु. आदित्य साळवी, कु. दिव्यांश कळमकर यांनी केले.
