मुढाळे येथे पत्रकार दिन साजरा ; भारतीय पत्रकार संघ मासिक मिटींग खेळीमेळीत संपन्न.
सोमेश्वरनगर - बारामती तालुक्यातील मुढाळे ग्रामपंचायत कार्यालयात रविवार दि ८ रोजी आद्य पत्रकार बाळशास्त्री जांभेकर यांच्या प्रतिमेला मुढाळे सरपंच प्रिया वाबळे ,भारतीय पत्रकार संघ अध्यक्ष काशिनाथ पिंगळे तसेच वडगांव निंबाळकर ठाणे अंकित करंजेपुल दुरक्षेत्र चे पोलीस उपनिरीक्षक योगेश शेलार यांच्या शुभहस्ते पुष्पहार अर्पण करत अभिवादन करण्यात आले.
यावेळी झालेल्या मासिक मिटींग मध्ये संघ वाढ तसेच अनेक महत्त्वाच्या विविध विषयांवर चर्चा करण्यात आली ही मिटिंग अध्यक्ष पिंगळे यांच्या अध्यक्षतेखाली मोठ्या खेळी मेळीच्या वातावरणात संपन्न झाली.
यावेळी भारतीय पत्रकार संघाचे बारामती तालुका अध्यक्ष काशिनाथ पिंगळे, उपाध्यक्ष विनोद गोलांडे, सचिव सोमनाथ लोणकर प्रसिद्धी प्रमुख सुशीलकुमार अडागळे, हल्ला कृती समितीप्रमुख निखिल नाटकर, जेष्ठ पत्रकार संघटक महंमद शेख, सदस्य शंतनु साळवे, अजय पिसाळ, शरद भगत, अविनाश बनसोडे , मुढाळे ग्रामविकास अधिकारी धावडे , पोलीस हवालदार नागटीळक सह पत्रकार बांधव उपस्थिती होते.
या कार्यक्रमाचे प्रास्ताविक अविनाश बनसोडे यांनी केले तर आभार शंतनु साळवे यांनी मानले.
