मुढाळे ! उत्कृष्ट सेवेबद्दल डॉ महाकाल सन्मानित
मुढाळे प्रतिनिधी - बारामती तालुक्यातील लोणीभापकर येथील पशुधन विकास अधिकारी डॉ ए एम महाकाल यांनी लोणी भापकर परिसरात उत्कृष्ट सेवा दिल्याबद्दल मनोज डेअरी फार्म व दूध उत्पादक शेतकरी लोणीभापकर यांच्या वतीने बाळासाहेब वाघ यांच्या हस्ते सत्कार करण्यात आला.
या कार्यक्रमावेळी बोलताना डॉ महाकाल यांनी पशुसंवर्धन विभाग महाराष्ट्र राज्य यांच्या योजनांविषयी माहिती दिली. बारामती दूध उत्पादक संचालक डॉ सचिन ढोपे यांचा सत्कार गणेश भापकर यांच्या हस्ते करण्यात आला. डॉ ढोपे यांनी नवीन व्यवसाय करणाऱ्या दूध उत्पादक शेतकऱ्यांना येणाऱ्या अडचणी विषयी मार्गदर्शन केले. लोणीभापकर येथील सर्व पशु सेवा देणारे डॉक्टर, कर्मचारी, नंदन दूध संघाचे अधिकारी यांचाही सन्मान उपस्थित ग्रामस्थांच्या हस्ते करण्यात आला यावेळी. या कार्यक्रमाचे सूत्रसंचालन मनोज वाघ यांनी केले व आभार गणेश भापकर यांनी मानले.
