प्रणाली शिक्षण संस्थेच्या कार्यालयातील ध्वजारोहण स्वप्नील काकडे यांच्या हस्ते संपन्न.
सोमेश्वरनगर - भारतीय स्वातंत्र्य दिनाच्या अमृत महोत्सवाच्या निमित्ताने बारामती तालुक्यातील करंजे येथील प्रणाली शिक्षण संस्थेच्या कार्यालयातील ध्वजारोहणाचे प्रमुख पाहुणे म्हणून जय सिक्युरिटी प्रमुख मालक स्वप्निल काकडे यांच्या शुभ हस्ते संस्था कार्यालय येथे ध्वजारोहण संपन्न झाला यावेळी महेंद्र एंटरप्रायजेसचे मेघराज जगताप यांच्या वाढदिवसाचे निमित्त साधून त्यांच्या हस्ते ध्वज स्तंभाचे पूजन करण्यात आले. प्रणाली शिक्षण संस्थेचे संस्थापक अध्यक्ष बुवासाहेब हुंबरे यांनी मागील वर्षाच्या लोकोपयोगी कामांचा आढावा घेतला आणि पुढील वर्षांमध्ये कोणकोणती कामे हाती घेतलेली आहेत ज्यांचा समाजातील प्रत्येक घटकाला प्रणाली शिक्षण संस्थेचा फायदा होईल असे उपक्रम भविष्यात सुरू केले जातील असे सांगितले. या ठिकाणी उद्योगपती मेघराज जगताप यांचा वाढदिवस साजरा करण्यात आला.
स्वप्निल काकडे यांनी प्रणाली शिक्षण संस्थेच्या उपक्रमाबद्दल जाणून घेऊन भविष्यात संस्थेसाठी कार्यरत राहू असे आश्वासन दिले. यावेळी आजी माजी सैनिक संघटनेचे अध्यक्ष बाळासाहेब शेंडकर, भिमरत्न बौद्ध युवक संस्थेचे सचिव दत्तात्रय गायकवाड, राष्ट्रवादी काँग्रेसचे अध्यक्ष संतोष हुंबरे, भारतीय पत्रकार संघ बारामती चे उपाध्यक्ष , संस्था संचालक विनोद गोलांडे, ऋषी मोरे, दिनेश हुंबरे चौधरवाडी पोलीस पाटील राजकुमार शिंदे मान्यवर मित्रपरिवार उपस्थित होते.
