सावधान ! अन्नपदार्थ विक्री करताना स्टेपलर पिनचा वापर करू नये, अन्न व औषध प्रशासन विभागाचे आवाहन.
पुणे : अन्नपदार्थ विक्री करताना स्टेपलर पिन व चिकटपट्टीचा वापर करु नये, असे आवाहन अन्न व औषध प्रशासन विभागाचे सह आयुक्त सं. भा. नारागुडे यांनी केले आहे.
भारतीय खाद्य सुरक्षा मानके प्राधिकरणाच्या निर्देशानुसार, सर्व अन्न व्यावसायिकांनी कागद व प्लास्टिक पिशवीत ग्राहकांना घरपोच खाद्यपदार्थ देण्यासाठी पिशवी पॅक करताना स्टेपलर पिनचा व चिकटपट्टीचा वापर करु नये. ग्राहकांच्या जीवितास धोका पोहोचणार नाही तसेच आरोग्यास बाधा होणार नाही याची दक्षता घ्यावी, अशा सूचनाही अन्न व औषध प्रशासन विभागाने दिल्या आहेत.
