बारामती ! हरिभाऊ गजानन देशपांडे इंग्लिश मिडीयम स्कूलमध्ये श्रीकृष्ण जन्माष्टमी निमित्ताने "दहीहंडी व पुस्तक हंडी"उत्साहात साजरी
बारामती - मएसो च्या हरिभाऊ गजानन देशपांडे इंग्लिश मिडीयम स्कूलमध्ये श्रीकृष्ण जन्माष्टमी निमित्ताने "दहीहंडी व पुस्तक हंडी"उत्साहात साजरी करण्यात आली.
पूर्व प्राथमिक विभागाने पारंपारिक पद्धतीने दहीहंडी साजरी केली.यावेळी विद्यार्थी राधाकृष्णाच्या वेशभूषेत उपस्थित होते. विद्यार्थ्यांनी यावेळी नृत्य सादर केले.
तेवढ्याच उत्साहात माध्यमिक विभागात पुस्तक हंडी साजरी करण्यात आली. कोरोना महामारीचा काळ वगळता गेल्या ३ वर्षांपासून आपल्या शाळेत पुस्तक हंडी साजरी केली जाते. दहीहंडी या पारंपारिक उत्सवाला आधुनिकतेची जोड देणे ही काळाची गरज आहे. म्हणूनच हंडीमध्ये वेगवेगळी पुस्तके ठेवून हंडी फोडण्यात आली.
पुस्तक वाचनाचे महत्त्व विद्यार्थ्यांना सांगून विजेत्या गटाला हंडीतील पुस्तके बक्षीस म्हणून देण्यात आली. अशा प्रकारे चैतन्यमय वातावरणात नाविण्यतेने पुस्तक हंडी व दहीहंडी साजरी करण्यात आली.
