झारगडवाडीत खोडवा छाटणी व खोडवा फोडणी यंत्राचे दाखवण्यात आले प्रात्यक्षिक..
बारामती : शेतकऱ्यांच्या उपयुक्त नाविन्यपूर्ण अशी अवजारे बारामती तालुक्यातील पाहुणेवाडी येथील बारामती स्टील वर्क्स यांनी बनवली आहेत. खोडवा फोडणी आणि खोडवा कटिंग करणारे आधुनिक पद्धतीचे नवीन अवजार शेतकऱ्यांच्या उपयुक्त तयार केले आहे. हे अवजार ऊस खोडव्याची छाटणी तसेच खोडव्याची फोडणी देखील नांगराच्या साह्याने करतो यामुळे एकाच अवजारात दोन्ही कामे केली जात आहेत. या अवजारांचा मोठ्या प्रमाणात शेतकऱ्यांना याचा फायदा होणार आहे.
शेतकऱ्यांनी नवनवीन प्रयोग करत आपल्या शेती मधील उत्पन्न वाढवले पाहिजे यासाठी आज गुरुवारी ( ता. ३० ) झारगडवाडी तील शेतकरी गोपीनाथ धनाजी बोरकर यांच्या शेतात या अवजाराच्या माध्यमातून ऊस खोडवा कटिंग व खोडवा फोडणी प्रात्यक्षिक दाखवण्यात आले. यावेळी मोर्फाचे अध्यक्ष प्रल्हाद वरे, बारामती स्टील वर्क्स चे संचालक ज्ञानेश्वर सणस, अमोल पन्हाळे, शेतकरी विनोद शेळके, गणेश गोळे, हनुमंत झारगड, प्रवीण बोरकर, जनार्दन बोरकर, बाळासाहेब निकम, नागेश बोरकर आदी शेतकरी उपस्थित होते.
कोट - सध्या छत्रपती, माळेगांव, सोमेश्वर सहकारी साखर कारखान्याच्या भागातील ऊस तोडणी सुरू आहे. ऊस तोडल्यानंतर अनेक शेतकरी खोडवा पीक घेत असतात मात्र ऊस हा बुडापासून न तोडल्यामुळे ऊसाची उगवणी चांगल्या प्रकारे होत नाही यामुळे याचा तोटा शेतकऱ्यांना बसतो यामुळे तोडलेल्या उसाचे कटिंग योग्य प्रकारे होणे गरजेचे असते या अवजार यंत्राच्या साहाय्याने ऊस खोडव्याची छाटणी जमिनीबरोबर आणि बाजूची माती मोकळी होत असल्याने जमिनीत हवा खेळती राहत आहे. ऊस फुटवा देखील चांगल्याप्रकारे उगवून येतो. यामुळे या अवजार यंत्राचा शेतकऱ्यांना चांगला फायदा होत असल्याचे बारामती मोर्फाचे अध्यक्ष प्रल्हाद वरे यांनी सांगितले आहे.
■■■□□□■■■□□□■■■□□□■■■
चळी पाडणे, हरभरा, गहू, मका, बाजरी, ज्वारी, सोयाबीन हा सर्व पेरण्या एकाच अवजारात होतील अशा पद्धतीने अवजार यंत्र आमच्या कंपनीनकडून बनवण्यात आली आहे. शेतकऱ्यांचा मजुरावर मोठ्या प्रमाणामध्ये खर्च होत असतो आणि वेळही मोठ्या प्रमाणात जातो यामुळे या अवजाराच्या माध्यमातून शेतकऱ्यांच्या पैशाची बचत होणार आहे. याच बरोबर ऊस खोडवा छाटणी आणि खोडवा फोडणी, रिव्हर्स फॉरवर्ड रोटावेटर, बटाटा, हळद, पेरणी यंत्र देखील बनवण्यात आली आहेत. शेतकऱ्यांनी देखील आधुनिकतेची कास धरून नवनवीन अवजाराच्या माध्यमाचा वापर करून शेती करून आपल्या पैशाची आणि वेळेची बचत करावी असे बारामती स्टील वर्क्स चे संचालक ज्ञानेश्वर सणस आणि अमोल पन्हाळे यांनी सांगितले आहे.
