मयुरेश्वर ला श्रावणातील संकष्टी चतुर्थीच्या निमित्ताने भावीकांनी श्रींच्या कळश व पायरी दर्शन घेत समाधान केले व्यक्त.
मोरगाव प्रतिनिधी
अष्टविनायक तीर्थक्षेत्र मोरगाव ता . बारामती येथे आज श्रावणातील संकष्टी चतुर्थीच्या निमित्ताने भावीकांनी गर्दी केली होती . कोरोनामुळे मंदिर बंद असले तरी जिल्ह्याच्या कानाकोपऱ्यातून गणेश भक्त श्रींच्या कळश व पायरी दर्शनासाठी येताना आढळून येत होते .
हिंदू धर्मामध्ये श्रावण महीना पवित्र समजला जात असल्याने तीर्थक्षेत्र ठिकाणी अनेक भक्त दर्शनासाठी जातात . मात्र राज्य शासनाच्या आदेशानुसार गतवर्षीप्रमाणे याही वर्षी अष्टविनायकापैकी प्रथम तीर्थक्षेत्र असलेले मयुरेश्वर मंदिर कोरोनामुळे खबरदारीचा उपाय म्हणून सर्व भावीकांना दर्शनासाठी बंद आहे . मात्र चतुर्थी व श्रावण महीना या दुहेरी योगामुळे अनेक भक्त दर्शनासाठी आले होते .
आज चतुर्थीच्या निमित्ताने पहाटे गुरव मंडळींची पुजा तर सकाळी सात व दुपारी बारा वाजता पुन्हा पुजा झाली यावेळी श्रींस नैवद्य दाखविण्यात आला . सकाळपासून दुपार पर्यंत भक्तांनी दर्शनासाठी रांगा लावल्या होत्या . चतुर्थीच्या निमित्ताने पेठेतील दुकाने हार दुर्वा , श्रींच्या प्रतीमांनी सजवली होती .येणारे अनेक भक्त कोरोनाचे संकट जाऊन लवकर श्रींचे दर्शन होण्यासाठी मनोमन आराधना करताना आढळत होते . रात्री चंद्रोदयाच्या वेळी आरती नंतर मयुरेश्वरास महानैवेद्य दाखविण्यात आला
फोटो ओळ : संकष्टी चतुर्थीच्या निमित्ताने भावीकांनी पायरी दर्शनासाठी लावलेल्या रांगा
