बारामतीतील मुर्टी , तरडोली, मोरगाव या गावातील भैरवनाथ यात्रा उत्सव रद्द...
मोरगाव प्रतिनिधी
बुधवार दि .१९ पासून सुरू होणाऱ्या मुर्टी , तरडोली, मोरगाव या गावातील भैरवनाथ यात्रा उत्सव कोरोना या विषाणुजन्य आजाराचा वाढता फैलाव लक्षात घेता रद्द केला आहे . यात्रा उत्सव कमिटी मार्फत जनजागृती करून यात्रा रद्द भरणार नसल्याने मंदिर परीसरात न येण्याचे आवाहन केले आहे .
ग्रामीण भागात दरवर्षी भैरवनाथ यात्रा उत्सव मोठ्या उत्साहाने संपन्न केला जातो . ग्रामीण पट्ट्यामध्ये हा एकमेव मोठा उत्सव असल्याने गावातील तरुण वर्ग उस्फूर्तपणे सहभाग घेत असतात . या दिवशी मंदिरावर तसेच गावात संपूर्ण विद्युतरोषणाई केली जाते . तसेच पाहुण्यांसाठी गोड - तिखट जेवणाचा बेत आवर्जून आखला जातो .
गावामध्ये यात्रेच्या पहील्या दिवशी सायंकाळी जोगेश्वरी व श्री नाथनाथ यांचा विवाह सोहळा संपन्न होतो . या विवाहाला हजारोंच्या संख्येने भक्त उपस्थित असतात
मात्र गेल्या वर्षी प्रमाणे याहीवर्षी प्रशासनाने सार्वजनिक उत्सव संपन्न करण्यास परवानगी नाकारली आहे . यामुळे तरडोली ,मुर्टी, मोरगाव गावात दवंडी व विविध व्हाट्सअप ग्रुपच्या आधारे यात्रा उत्सव रद्द झाला असल्याची माहिती तरडोली गावचे सरपंच नवनाथ जगदाळे यांनी दिली आहे . तरडोली व मुर्टी येथील भैरवनाथ यात्रा उत्सव आज बुधवारी दिनांक 19 व 20 रोजी तर मोरगाव येथील भैरवनाथ यात्रा उत्सव 20 व 21,तर मुटीँ येथील आज ,उद्या रोजी संपन्न होणार होता . या गावांमध्ये मनोरंजनासाठी संगीत व वगनाट्य तमाशाचे आयोजन केले जाते.
.......................................................
सलग दुसऱ्या वर्षी मोरगाव येथे भैरवनाथ यात्रा उत्सव भरणार नाही . कोरोना काळात प्रशासनाला सहकार्य करावे तसेच श्रींस घरातूनच नैवेद्य दाखवावा
निलेश केदारी : सरपंच ग्रामपंचायत मोरगाव
.....................................................
कोरोनाचा फैलाव ग्रामीण भागात वाढत चालला आहे . यामुळे प्रशासनाला सहकार्य करण्यासाठी भैरवनाथ मंदिर परिसरात , गावांमध्ये घोळक्याने एकत्र येऊ नये . यात्रेनिमित्ताने गावात पै - पाहुणे बोलवु नयेत
नवनाथ जगदाळे - सरपंच ग्रामपंचायत तरडोली
..................................................
कोरोनाच्या च्या पार्श्वभूमीवर महाराष्ट्रातील सर्वच धार्मिक स्थळ यात्रा , जत्रा बंद असल्यामुळे शासनाने दिलेल्या आदेशानुसार याहीवर्षीची मुर्टी गावची भैरवनाथ यात्रा ग्रामकमिटीने रद्द केल्या च ग्रामस्थांना आव्हाहन केले सर्वांनी .. घरी रहा सुरक्षित रहा... आणि प्रशासनाला मदत करा असे त्यांनी बोलताना आवर्जून सांगितले.
किरण जगदाळे - उपसरपंच ग्रामपंचयत मुर्टी
