माजी विद्यार्थ्यांकडून मास्क व सॅनिटायझर वाटप
लोणी भापकर
स्वराज्याचे दाखले धनी श्री छत्रपती संभाजी महाराज जयंती निमित्त लोणी भापकर ता.बारामती येथील न्यु इंग्लिश स्कूल च्या इयत्ता दहावी च्या २००७ च्या बॅच च्या पुढाकाराने व माजी विद्यार्थ्यांच्या सहकार्याने लोणी भापकर, सायंबाचीवाडी, पळशी, मासाळवाडी ,मुढाळे,तरडोली या ग्रामपंचायतींना सुमारे ३५००० मास्क व ५०० लिटर सॅनिटायझर चे वाटप करण्यात आले आहे.ग्रामीण भागातील कोरोणाचा फैलाव रोखण्यासाठी मास्क व सॅनिटायझर वापरणे कसे गरजेचे आहे हे गावकऱ्यांना या युवकांनी पटवून दिले. गावात कोणत्याही प्रकारची कमतरता भासल्यास ती पुर्ण करण्यासाठी आम्ही सगळे सदैव तत्पर आहोत अशी ग्वाही या युवकांनी दिली.
या उपक्रमा साठी संतोष तांबे सर,योगेश गोलांडे, अमोल भगत, गौरव नांगरे, चेतन भापकर , गणेश कडाळे ,सागर भापकर,अमर मोरे व त्यांचे इतर सहकारी यांनी परिश्रम घेतले.कोरोना या महामारीत जनजागृती करून अशाच प्रकारचे काम अजून आजी माजी विद्यार्थी यांनी पुढे येऊन हाती घ्यावे असा संदेश देण्याचे काम न्यू इंग्लिश स्कूल लोणी भापकर येथील 2007 च्या बॅच ने केले आहे
