बारामती तालुक्यातील को-हाळे बुद्रुक या गावातील भैरवनाथ यात्रा उत्सव रद्द...
सोमेश्वरनगर प्रतिनिधी
बारामती तालुक्यातील को-हाळे बुद्रुक या गावातील भैरवनाथ यात्रा उत्सव कोरोना या विषाणुजन्य आजाराचा वाढता फैलाव लक्षात घेता रद्द केला आहे . यात्रा भैरवनाथ उत्सव यात्रा कमिटी जनजागृती करून यात्रा भरणार नसल्याने मंदिर परीसरात न येण्याचे आवाहन सरपंच रवींद्र खोमणे यांनी केले आहे .
दरवर्षी भैरवनाथ यात्रा उत्सव मोठ्या उत्साहाने संपन्न केला जातो . ग्रामीण भागातील गावांमध्ये एकमेव मोठा उत्सव असल्याने गावातील तरुण वर्ग उस्फूर्तपणे सहभाग घेत असतात . या दिवशी मंदिरावर तसेच गावात संपूर्ण विद्युतरोषणाई केली जाते .येणाऱ्या पाहुण्यांसाठी गोड - तिखट जेवणाचा बेत आवर्जून आखला जातो .
गावामध्ये यात्रेच्या पहील्या दिवशी विवाह सोहळा संपन्न होतो . या विवाहाला हजारोंच्या संख्येने भक्त उपस्थित असतात.
मात्र गेल्या वर्षी प्रमाणे याहीवर्षी प्रशासनाने सार्वजनिक उत्सव संपन्न करण्यास परवानगी नाकारली आहे .या आधारे यात्रा उत्सव रद्द झाला असल्याची माहिती को-हाळे बुद्रुक गावचे सरपंच रवींद्र खोमणे यांनी दिली आहे .
मंगळावर पासून सुरू होणारा भैरवनाथ यात्रा उत्सव हा देवाची हळद , लग्न ,छबिना तर गावांमध्ये मनोरंजनासाठी संगीत, वगनाट्य,तमाशा व कुस्त्या चे मोठे आयोजन केले जाते.परंतु गेले दोन वर्ष कोरोनाच्या पार्श्वभूमीवर यात्रा न भरल्याने ग्रामस्थांनी नाराजी व्यक्त केली
.......................................................
सलग दुसऱ्या वर्षी को-हाळे बुद्रुक येथे भैरवनाथ यात्रा उत्सव भरणार नाही . कोरोना काळात प्रशासनाला सहकार्य करावे तसेच देवाला घरातूनच नैवेद्य दाखवावा, कोरोनाचा फैलाव ग्रामीण भागात वाढत चालला आहे . यामुळे प्रशासनाला सहकार्य करण्यासाठी गावातील भैरवनाथ मंदिर परिसरात , गावांमध्ये घोळक्याने एकत्र येऊ नये . यात्रेनिमित्ताने गावात पै - पाहुणे बोलवु नयेत.
रवींद्र खोमणे- सरपंच ग्रामपंचायत को-हाळे बुद्रुक
पोलीस पाटील-शरद खोमणे को-हाळे बुद्रुक
भैरवनाथ उत्सव यात्रा कमिटी को-हाळे बुद्रुक
