धक्कादायक; फलटण तालुक्यातील वडजल येथे सापडले नवजात स्त्री जातीचे बेवारस अर्भक
फलटण तालुक्यातील वडजल येथे आढळले २ ते ३ दिवसाचे बेवारस स्त्री जातीचे अर्भक बेवारस स्थितीत आढळूनआले आहे.
वडजल ता फलटण या ठिकाणी वाठार फाटा ते वडजल या रोडवरती दत्तात्रय विठ्ठल घाडगे यांच्या मालकीच्या गट नंबर १३९ या शेतातील गोडाऊन जवळ मोकळ्या जागेत साधारणतः दोन ते तीन दिवसापूर्वी जन्मलेले स्त्री जातीचे अर्भक कोणीतरी बेवारस स्थितीत सोडून गेले असल्याची घटना घडली आहे. आज रविवार दिनांक १६ रोजी पहाटे ५.३० वाजता वडजल वरून वाठार फाटा या रस्त्याच्या कडेला असणाऱ्या शेतातील गोडावून शेजारी सदर अर्भक ठेवला असल्याचे आढळून आले असून मातृत्वाला काळिमा फासणाऱ्या या घटनेमुळे सर्व परिसरामध्ये हळहळ व्यक्त होत आहे. हे अर्भक येथे कोणी सोडले असावे याचा फलटण ग्रामीण पोलीस तपास घेत आहेत.
